2013-11-24 02:00:00
කලා ලෝකය යනු බෙහෙවින්ම සුන්දර තැනකි. ජීවිතයේ බොහෝ දෙනෙක්ගේ සිත් සතන් අස්වසාලන, තවත් විටෙක නොයෙකුත් විඩාවන් දුරලන සොඳුරු නැවතුම්පළකි. ඒ හා සමානව මේ අතර සැරිසරන්නන්ගේ ජීවිතයද බොහෝවිට සොඳුරු විය හැකිය. මේ හැම තීරණය වන්නේ ඔවුන්ගේ ක්‍රියා කලාපයන් හා ඔවුන් විහිද විසිර සිටින සීමා මායිම් තුළ සිදුවන්නා වූ ක්‍රියා කලාපයන් අනුවය. ඉදින් මේ සියල්ලම කලාව නම් වූ සොඳුරු ලෝකය තුළ සිදුවිය හැකිවාක් මෙන්ම නොවීමටද පිළිවන. ඒ හැම අපට තීරණය කළ හැකි වන්නේ ප්‍රායෝගික ලොව තුළ සිදුකරන්නා වූ ඔවුන්ගේ ක්‍රියාකලාපයන් තුළය.
ලැටීෂියා පීරිස් නම්වූ ඇය උපත ලැබුවේ 1934 ඔක්තෝබර් 18 වැනි දින කොච්චිකඩේ පල්ලන්සේන නම් ගමේදීය. තම සිප්සතර හැදෑරීම පිණිස මීගමුව හරිශ්චන්ද්‍ර විදුහලට ඇතුළු වූ ඕ කුඩා වියේදීම තම අනාගතයේ ගමන් මාර්ගයන් පිළිබඳ සටහන් රේඛා ඉදිරිපත් කරන්නට සමත්වූවාය. සිංහල සිනමා වංසකතාවේ තම ගමන් මාර්ගයන් සනිටුහන් කරන්නට බොහෝ දෙනෙක් ආහ. තවත් බොහෝ දෙනෙක් පැමිණ සැඟව යන්නට වූහ. තවත් අය ඒ තුළම රැඳෙමින් ජයකෙහෙලි නංවන්නට සමත් වූහ. ලැටීෂියා පීරිස් නම් ඈද සිංහල සිනමා වංසකතාවේ නම ලියා තබන්නට පැමිණි නිළියකි.
0 comments:
Post a Comment